Өчигдөр Бээжинд болсон Хятадын хөгжлийн дээд уулзалт-2015 оны чуулганд мэргэжилтэн судлаач, аж ахуйн эзэд, засгийн газрын албаны хүмүүс байгаль орчин хамгаалах асуудлыг онцлон анхаарахын зэрэгцээ эрчим хүч хэмнэн бохирдлыг бууруулах талаар үзэл бодол, санал санаачилгаа хуваалцсан байна.

Саяхан Хятадын байгаль орчныг хамгаалах яамны нийтэлсэн 2014 оны агаарын чанар харьцангуй тааруу эхний 10 хотод Бээжин, Тяньжинаас гадна Хэбэй мужийн 8 хот багтсан байна. Бээжин хотын дарга Ван Аньшүнь, Бээжин, Тяньжинь, Хэбэйн экологийн асуудал товойм, утаа манантай өдөр байнга тохиж байна. Энэ нь экологийн хамгаалалт болон бүтээн байгуулалтыг эрчимжүүлэх асуудал бидэнд тулгамдаж байгааг сануулж байна гэжээ. Бээжин, Тяньжинь, Хэбэй болон түүний эргэн тойрны газар нутгийн агаарын бохирдлыг арилгах дунд урт хугацааны төлөвлөгөөг хамт боловсруулж, бүс нутгийн экологийн аюулгүйн системийг бүтээн байгуулна гэж тэрээр хэллээ.

Дэлхийн банкны дэд ерөнхийлөгч Ин Жүөхуа, ойрын таван жилд Хятад улс эрчим хүчний хэрэглээг буруулах, нүүрсний солилцоо болон нийт хэмжээг хязгаарлах тогтолцоог буй болгох зэрэг арга хэмжээ авна гэжээ.

Шэньхуа корпорацын захирал Жан Юйжүө, нүүрсний бохирдолгүй хөгжлийг биелүүлэхэд эн тэргүүнд урьдын өргөн хүрээтэй хөгжүүлэх арга хэлбэрийг эрчимтэй хөгжүүлэх арга хэлбэр болгон өөрчилж, өндөр ялгаруулалтыг бага ялгаруулалт болгох, нүүрсийг зөвхөн түлш байсныг өөрчлөн түлш болон түүхий эдийг тэгш болгохыг чухалчилна гэжээ.