14-ны орой, Монгол улсын их дээд, дунд сургуулиудад багшилж байгаа Хятадын сайн дурын багш нар 2015 оны Хаврын баяраа угтан тэмдэглэв. 20-25 насны залуу багш нар дуулж бүжиглэн, баясан хөөрөлдөж, хүрсэн амжилтаа дүгнэн ярилцаж, хэтийн зорилгоо төсөөлөн мөрөөдөж байлаа. Өдгөө Монгол улсын нийслэл болон хөдөө орон нутгийн 53 сургуульд нийт 170 гаруй сайн дурын багш ажиллаж байна. Монгол улсад 10 мянга орчим оюутан, сурагч хятад хэл соёлыг сонирхон суралцаж байгаа юм.