Цэцгийн цайн дотроос "Мэлрэг цэцгийн цай” Хятадад их алдартай. Мэлрэг цэцэг нь өтгөн бөгөөд хүчтэй үнэрээрээ цайны хорхойтнуудын таашаалыг ихэд татна. Сүн улсын үеийн яруу найрагч Цзян Гуа "Мэлрэг цэцэг” хэмээх найраглалдаа "Анхилам үнэрийг Хүмүүн бидэнд анх мэдрүүлсэн цэцэгсийн элчийг би мартаж яахин чаднам” хэмээн өгүүлсэн байдаг. Мэлрэг цэцгийн цайг Хятадаар (mo li hua cha 茉莉花茶) гэж нэрлэдэг
Үүнээс гадна сарнай, нохойн хошуу, цахирмаа цэцгийн цай гэж бий. Цэцгийн цай нь өмнөд Сүн улсын үеэс эхлэлтэй бөгөөд 1000 гаруй жилийн түүхийн улбаатай ажээ. Цэцгийн цайг зөвхөн Хятадад тариалдаг. Хятдын зүүн өмнөд бүс нутаг болох Фужиан, Аньхой, Жиансу мужид анх тариалж эхэлсэн бөгөөд сүүлийн үед Хубэй, Хунань, Сычуань, Гуанши, Гуандун, Гуйжоу зэрэг бусад мужуудад тариалж байна. Хятадын дотоодод өргөн хэрэглэх бөгөөд 1955 оноос Макао, Зүүн өмнөд Азийн орнууд, Баруун Европ болох Африкийн орнууд ихээр импортлон авах болжээ.