Засгийн газрын хэрэгжүүлэгч агентлаг
Хөрөнгө оруулалтын газар, Монголын Үндэсний худалдаа аж үйлдвэрийн
танхим, БНХАУ-ын Өвөр Монголын Өөртөө Засах орны Худалдааны танхимтай
хамтран ирэх долдугаар сарын 2-4-нд Улаанбаатар хотноо "Хөрөнгө
оруулалтын чуулга уулзалт-2014” арга хэмжээг зохион байгуулахаар
төлөвлөжээ.
Чуулга уулзалтад БНХАУ-аас эрчим хүч, зам тээвэр, барилга, уул уурхай,
хүнс, хөдөө аж ахуй, харилцаа холбоо, худалдаа, банк санхүү, байгаль
орчны салбарын нийт 200 орчим хөрөнгө оруулагчид, бизнес төлөөлөгчид
хүрэлцэн ирэх юм байна. Уг чуулга уулзалтын үеэр хөрөнгө оруулалт
шаардаж буй төсөл, хөтөлбөрүүдийг танилцуулах, бизнесийн хамтын
ажиллагаагаа өргөжүүлэх, бизнесийн түншээ олох боломжтой тул дотоодын аж
ахуйн нэгж, байгууллагууд оролцох бололцоо ч нээлттэй аж.
Хэрвээ түүнд оролцохыг хүсвэл Хөрөнгө оруулалтын газар болон МҮХАҮТ-д хандаж бүртгүүлж болох юм байна.
