Манай Монголчууд Хятад улсын нийслэл Бээжингийн нэр хүнд бүхий эмнэлэгүүдэд өвчнөө үзүүлж, эмнэлэгийн тусламж, зөвөлгөө авах эрэлт их байдаг. Иймд бид Бээжин хотын нэр хүндтэй эмнэлэгүүлийн утасны дугаар, хаягийг оруулж өглөө.
Бээжингийн хорт хавдрын эмнэлэг
Бээжингийн хорт хавдрын эмнэлэг нь (北京肿瘤医院) 790 ортой, 26 клиникийн тасагтай, 13 анагаах ухааны технологийн хэлтэстэй хорт хавдрын эмччилгээгээр өндөр мэрэгшсэн эмнэлэг юм. Тус эмнэлэг нь;
• Хөхний хорт хавдар,
• Уушигний хорт хавдар
• Нарийн гэдэсний хорт хавдар
• Элэгний хорт хавдар
• Тархи хүзүүний хорт хавдар
• Үржлийн эрхтний хорт хавдар
• Ясны хорт хавдар
• Ходоодны хорт хавдарыг эмчилнэ.
Цусны тунгалагийн шингэний хавдрын диагностик ба эмчилгээ, хэвлийн хөндийн хорт хавдрын мэс заслын шинжилгээ судалгаа, хорт хавдартай элгийг солих эмчилгээ, элэгний хорт хавдрын эсийн эмчилгээ, ходоодны хорт хавдрын бүрэн эмчилгээ, хорт хавдрыг химийн болон туяагаар хослуулан эмчлэх, хөхний хорт хавдрын шинж тэмдгийг илрүүлэх олон талт эмчилгээ болон бусад олон төрлийн радио давтамжит ультра авианы төхөөрөмжөөр олон улсын анагаах ухааны тэргүүн зэргийн түвшинд судалгаа хийн, эмчилгээ явуулж байна.
Хаяг: 北京市海淀区阜成路52号 （定慧寺）
WEB: http://www.bjcancer.org
Утас: 0086-10-88121122 (коммутатор)
Хүлээн авахын утас: 0086-10-88196155 ба 0086-10-88128587
Цагийн хуваарь: Даваа-Баасан
Үдээс өмнө: 8:00-11:30
Үдээс хойш: 13:30-15:00
Хятадын ангаах ухааны Академийн Хавдар судлалын эмнэлэг
Хятадын ангаах ухааны Академийн хавдар судлалын эмнэлэг (中国医学科学院肿瘤医院)
Хятадын Анагаах Ухааны Академийн Хавдар судлалын институт болон эмнэлэг нь (中国医学科学院肿瘤医院) 1958 онд байгуулагдсан бөгөөд 1963 онд Линжөү, Хэнань, Жиансү, Чидүн зэрэг мужуудын хорт хавдрын эрдэм шинжилгээний төвүүдийг нэгтгэн, 1983 онд Бээжин хотын Лүнтан нуурын ойролцоо албан ёсоор "Хятадын Анагаах Ухааны Академийн Хавдар судлалын институт болон эмнэлэг”-ийг байгуулсан байна.
1996 онд тус институт нь Ази тивийн хамгийн тэргүүн зэргийн магадлан итгэмжлэгдсэн Хорт хавдрын эрдэм шинжилгээний төв болсон байна.
Улсын Хорт хавдрын эм бэлтгэн нийлүүлэх төв, Улсын Эм бэлдмэлийн Эрдэм шинжилгээ-Клиникийн Үндэсний төвүүдийг энэ институт дээр төвлөрүүлэн, хорт хавдарын эмчилгээний сургалт, арга зүй, оношлогоо, эмчилгээний гол бааз болсон байна.
Эдүгээ тус эмнэлэг нь хамгийн дээд зэргийн техник тоног төхөөрөмжөөр тоноглогдож Үндэсний хэмжээний Хорт Хавдарын дээд зэрэглэлийн эмнэлэг болсон бөгөөд төрөл бүрийн хорт хавдрын туяат эмчилгээ, мэс засал, интервенц эмчилгээ, биологийн эмчилгээг хийнэ.
Тус эмнэлэгт өдөр бүр мянга мянган өвчтөн ирж, уушиг, элэг, нойр булчирхай, хөх, умайн хүзүү, хоол боловсруулах эрхтэн, улаан хоолойн хорт хавдруудын оношлуулан эмчилүүлж байна.
Тус эмнэлэгт цээжний мэс заслын тасаг, хэвлийн хөндийн мэс заслын тасаг, генеколог, туяат эмчилгээний тасаг, клиникийн 13 хэлтэс, зурагт оношлогооны тасаг, лаборотор, цөмийн болон бусад эмчилгээний тасаг, өндөр энергийн фотон хурдасгуур, эрчимт радио-эмчилгээ, PET-CT, цусны судлыг рентгенээр хардаг автомат биохимийн анализатор, цөмийн соронзон давтамж, хорт хавдрын радио-давтамжит hyperthermia оношлогоо, шугаман хурдасгуурын зааварчилгаа, цитометрийн гэх мэт тасаг хэлтэсүүдтэй.
Энэ эмнэлэгийн мэс заслын эмчилгээ олон улсын түвшинд хүрсэн бөгөөд өндөр мэрэгжлийн эмч нараас бүрдсэн, хүний төлөө бүрэн үйлчилгээ үзүүлж чадах 100 гаруй мэрэгжлийн тасаг палатуудтай. Гадаад улсаас ирж үйлчлүүлж байгаа иргэдэд эхний ээлжинд эмчилгээ хийх журамтай.
Тус эмнэлэг 1198 ортой, жилд 600 мянган хүнд амбулторын үзлэг хийж, 43 мянган өвчтөнийг эмнэглэгт хэвтүүлэн эмчилж, 13 мянган мэс заслын эмчилгээ хийдэг.
1560 ажилтан, 280 их эмч, 2 анагаах ухааны академич, 3 техникийн ухааны академич, 4 зөвлөх эмч, 80 хорт хавдрын нарийн мэрэгжлийн их эмч ажиллаж байна.
Эмчлүүлэгчдийн анхааралд
Буудал: Эмнэлэгийн ойролцоо гэр буудлууд байдаг. Хоёр өрөөтэй, дөрвөн ортой. Гал тогоо, газын плитка, угаалгын машин, хөргөгч, зурагт бүгд бий. Яг л айл шиг амьдарч болно. Гэр буудлын доор супер маркетаас хүссэн хүнсний бүтээгдэхүүнээ худалдан аваад хоолоо хийгээд идэж болно. Бидний буусан гэр буудлын эзэнтэй утсаар холбогдоод буудлаа захиалж болно. Утас: 13366059211
Эмчилгээ хийлгэх: Юуны өмнө эмчид үзүүлэх дугаар болон эмнэлэгийн карт авах хэрэгтэй. Өглөө 5-6 цагаас эхлэн эмчид үзүүлэх хүмүүс эмнэлэгийн гадаа дугаарлан зогсоод эмнэлэг нээгдмэгц өөр өөрийн эмчлүүлэх тасгийн дугаар олгох цонхноос дугаараа авна. Эмнэлэгийн дотор тасгуудын нэрийг Хятад Англи хэлээр бичсэн байдаг тул тасгуудыг олоход амархан.
Дугаар олгох цонхон дээрээс эмчлүүлэгчийн карт, болон эмчийн дугаар авна. Үнэ 5-14 юань байдаг.
Эмчид үзүүлэх дугаар нь харилцан адилгүй үнэтэй байдаг нь тухайн эмчийн эрдмийн зэрэг цолноос хамаарна. Өндөр зэрэг цолтой эмчийн дугаар 14 юань байна. Гэвч эртхэн дугаарлахгүй бол энэ дугаар хамгийн түрүүн дуусчихдаг.
Дугаараа аваад эмчид үзүүлнэ. Гэвч дугаарын дагуу эмч дээр орно. Эмч анхан шатны асуулга хийгээд шаардлагатай шинжилгээ хийлгэх бичгийг өгнө. Энэ бичгийн дагуу шинжилгээ хийлгэх төлбөрөө кассанд төлөөд шинжилгээнүүдийг хийлгэнэ. Бидний хувьд улаан хоолойн хорт хавдар болон ходоодны хорт хавдартай 2 хүний шинжилгээ хийлгэсэн бөгөөд улаан хоолойн хорт хавдарын шинжилгээ 680 юань (Цусны шинжилгээ болон Ультра соник шинжилгээ), Ходоодны хорт хавдрын шинжилгээ 950 юань (Цусны шинжилгээ, Ультра соник шинжилгээ болон ходоод дурандах шинжилгээ) хийлгэсэн.
Шинжилгээ хийлгэсэний дараа шинжилгээнийхээ хариуг 1-2 хоногийн дараа аваад дахин эмчид үзүүлэх дугаар авна. Эмч шинжилгээний дүгнэлтийг үзээд хийлгэх эмчилгээний онош болон аргыг тодорхойлно.
Хаяг: 北京市朝阳区潘家园南里17号
Утас: 0086-10-67781331. 0086-10-67748905
Автобус: 39, 51, 63, 122, 800 тоот маршрутууд.
Beijing Tongren Нүдний эмнэлэг
Бээжингийн "Түнрен” нүдний эмнэлэгийг (北京同仁眼科医院) бусдаасаа хамгийн сайн эмнэлэг гэж ярьдаг. Олон улсын нүдний эмчилгээний өндөр түвшинд хүрсэн тус эмнэлэг нь нүдний доод хэсэг, нүдний шархлаа, нүний даралт, нүдний эвэрлэг бүрхэвчийн шилжүүлэн суулгалт, нүдний мэс засал, лазер эмчилгээний технологиор тэргүүлэх байр суурийг эзэлнэ.
Хаяг: Chongwen Dajie, Dongcheng дүүрэг, No. 8 (зүүн)
北京市东城区崇文门内大街8号（东区）
Метро: Chongwenmen болон Dongdan станциуд
Хүлээн авахын утас: 0086-10-58269911, 0086-10-58265798, 0086-10-58265799
Факс: 0086-10-65237754
Цагийн хуваарь: Даваа-Баасан
Үдээс өмнө: 8:00-11:30
Үдээс хойш: 13:30-15:00
Бээжингийн нэгдсэн эмнэлэг
1921 онд байгуулагдсан Бээжингийн Анагаах ухааны коллежийн нэгдсэн эмнэлэг (北京协和医院) нь Рокфеллерийн Анагаах ухааны сангийн дэмжлэгээр хувийн хэвшилд шилжжээ. Бээжингийн Анагаах ухааны коллежийн нэрт докторууд ажиллаж байгаа энэ эмнэлэг шилдэг технологийн тоног төхөөрөмжтэй бөгөөд ямар ч хүнд өвчтэй хүнийг эмчлэн эдгээх бүрэн чадвартай эмнэлэг юм. Анагаах ухааны асар их туршлага, авьяас хослуулсан эрдэмтэн багш, зөвлөх эмч нар нь анагаах ухааны шилдэг бүтээлүүд гаргаж, шинжилгээ судалгааны арвин материал хуримтлуулж чадсан тул аливаа хүнд өвнийг оношлох, эмчилгээний арга хэлбэрээ сонгохдоо маш сайн байдаг байна.
Гадаадын иргэдийн хүлээн авах тасаг нь өдөрт 100 гаруй өвчтөн хүлээж авна. Олон улсын эрүүл мэндийн халамжын байгууллагын шугамаар Бээжингийн Анагаах ухааны коллежтэй хийсэн гэрээний дагуу Европын Түргэн тусламын төв (European First Aid Center), Олон улсын SOS түргэн туслаиын төв (International SOS First Aid Center)-ийн шугамаар энэрэнгүй үйлсйин эмчилгээ хийж байгаа нь тус эмнэлэгийн олон улсын нэр хүндийг илэрхийлж байгаа юм.
Энэ эмнэлэг хоёр хэсэг байртай бөгөөд нэг нь Бээжингийн Dongdan метроны буудлын дэргэд, нөгөө нь Xidan метроны дэргэд байдаг.
Гадаадын өвчтөний тусгай өрөө: 800 юань/өдөр (люкс өрөө нь) 1500 юань/өдөр үнэтэй. Өглөө, өдөр, оройн хоол нь нийлээд 90 юань/өдөр болно.
Зүүн эмнэлэг:
Эмнэлэгийн нэр: 北京协和医院(东院区)
Хаяг: 北京市东城区王府井帅府园1号
Лавлах утас: 0086-10-65296114
Баруун эмнэлэг:
Эмнэлэгийн нэр: 北京协和医院(西院区)
Хаяг: 北京市西城区西单大木仓41号
Лавлах утас: 0086-10-88068177
Бээжингийн Тархи, мэдрэлийн Тиантан эмнэлэг
Бээжингийн Тиантан эмнэлэг 北京天坛医院 нь Мэдрэлийн шинжилгээ судалгаа, зөвлөлгөө өгөх төв, мэдрэлийн эмчилгээ гэсэн зохион байгуулалттай . 1956 онд байгуулагдсан энэ эмнэлэг эдүгээ Ази тивийн хамгийн том мэдрэлийн өвчний шинжилгээ судалгааны төв болоод байна. Эмнэлэг болон судалгаа шинжилгээний төвдөө нийт 2115 эмч, сувилагч, ажилтантай. 950 ортой тус эмнэлэгийн 300 ор нь мэдрэлийн өвчнийг анагаах тасаг болно.
Тархины судасны өвчин, гавалын неоплазм, гадна гэмтэл, педиатр, үе нурууны өвчин болон мэдрэлийн өвчний гэх мэт 9 төрлөөр судалгаа шинжилгээ хийж байна. Эмнэлэгийн 33 тасагт мэдрэлийн мэс засал, неврологи, невро-радиологи, дотрын өвчин, мэс засал, генекологи, хүүхдийн гэсэн ангилалтай. Эмнэлэг нь зөвхөн эмчилгээ хийгээд зогсохгүй сургалт, зөвөлгөө , судалгаа, урьдчилан сэргийлэх арга хэмжээ гэсэн чиглэлээр давхар үйл ажиллагаа явуулж байна. Тус эмнэлэгт Wang Zhongchen, Zhao Yadu, Luo Shiqi, Zhao Jizong нарын дэлхий дахинаа танигдсан алдарт эмч нар жилдээ 4000 гаруй тархи мэдрэлийн системийн мэс заслыг амжилттай хийж байна.
Хаяг: 北京市崇文区天坛西里6号
Утас: 0086-10-67018510.
Автобус: 20, 25, 36, 45, 106 дугаарын маршрутууд.
"Фүвай” зүрх судасны эмнэлэг
Хятадын Анагаах ухааны Академийн "Фүвай” зүрх судасны эмнэлэг (北京阜外医院) нь урьд нь Хятадын Ардын Чөлөөх армийн эмнэлэг байсан юм.
1956 онд байгуулагдсан тус эмнэлэг 1962 онд зүрх судасны эмчилгээний тусгай эмнэлэг болон зохион байгуулагджээ. "Фүвай” зүрх судасны эмнэлэг нь Хятадын Анагаах ухааны Академийн зүрх судасны өвчний эрдэм шинжилгээний институтийн харьяанд ажилладаг бөгөөд 3-р түвшингийн 1-р ангилалын зүрх судасны тусгай эмнэлэг юм. Хятадын 3-р түвшингийн эмнэлэг гэдэг нь "Хамгийн дээд зэрэг”-ийн гэсэн ойлголт юм. Дотрын өвчний тасаг, мэс заслын тасаг гэсэн зохион байгуулалттай 512 ор бүхий эмнэлэг. 1500 гаруй эмч сувилагч ажилтантай тус эмнэлэг нь жилдээ 12000 зүрх судасны өвчтөнг эмжчилж, нийт 200000 хүнийг энэ төрлийн аюулт өвчнөөс авраад байна. Тус эмнэлэгт академич 3, улсын дээд зэргийн зөвлөх эмч 4, өндөр мэрэгжлийн 700 гаруй эмч судилагч нар ажиллаж байна.
Олон жилийн туршлага, хуримтлуулсан мэдлэг мэрэгжлээрээ Хятад улсдаа тэргүүлж байгаа "Фүвай” зүрх судасны эмнэлэг эдүгээ "Fuwai” хэмээх дэлхийн брэнд эмнэлэг болж чадсан байна.
Хаяг: 北京西城區北禮士路167號
Утас: 0086-10-68314466.
Автобус: 19, 102, 103 дугаарын маршрутууд.
Жи шүй тань ясны эмнэлэг
Бээжингийн Жишүйтан ясны эмнэлэг (Хятадаар 北京积水潭医院;) нь Ази тивдээ яс, үе мөчний сургалт , судалгаа, эмчилгээний хамгийн том эмнэлэг юм.
Яс үе мөчний бүх төрлийн өвчин, ясны хорт хавдарын талаар өндөр мэрэгшсэн тус эмнэлэг нь 350 ортой, 贾正中 (Jiǎ zhèngzhòng), 刘沂 (liú yí), 王金城(Wáng Jīnchéng), 王澍寰 (Wáng Shù huán), 韦加宁 (Wéi Jiā níng), 杨克非(Yáng Kè fēi)， 张友乐 (Zhāng You lè) нарын хятад улсын дээд дэсийн зөвлөх эмч нар энд ажиллаж байна. Ясны өвчний талаар нэртэй сайн эмнэлэг.
1956 онд байгуулагдсан 1000 гаруй ортой эмнэлэг юм. Тус эмнэлэгт 200 гаруй зөвлөх эмч, 2200 ажилтан ажиллаж байна. Үе мөч, ясны эмчилгээгээрээ Хятад улсдаа тэргүүлж, олон улсын хэмжээнд хүрч чадсан байна. Бээжингийн Яс, мөчний эрдэм шинжилгээний Институт, Бээжингийн Ортопед Гэмтэл согогийн эрдэм шинжилгээний институт гэх мэт яс, үе мөчний өвчнийг судлах 6 том төв, институтууд энэ эмнэлэгийг түшиглэн ажиллаж байна.
Ортопед, нурууны мэс засал, үе мөчийг сэргээх мэс засал, гэмтлийн мэс засал, гарны мэс засал, хүүхдийн яс, үе мөяний мэс засал, ясны хорт хавдар, биеийн тамирийн эмчилгээ, төөнүүр зэрэг иж бүрэн тоноглогдсон тасгуудтай.
Хаяг: 西城区新街口东街31号
Лавлах утас: 0086-10-66167631.
Автобус: 22, 38, 105, 107, 111 дугаарын маршрут
